فلسطين ...الى اين؟

بسم الله الرحمن الرحيم .. والصلاه والسلام على اشرف المرسلين ... سيدنا محمد وعلى اله وصحبه اجمعين ... اما بعد

فيا اخوتي في الاسلام والدينات الاخرى ... اني اكتب لكم اليوم وكلي غضب!! حزن !! الم!! حنين !! شوق!! قوه وضعف!!

ما وصل له حال امتنا العربيه والاسلاميه ... حال لا حسد عليه ... حال لا يوصف ... ولا يستطاع ان يتخيله بشر !!!! نقوم بقتل بعضنا !!! يا للاسف ...... اهذا ما خطط له عدونا ( اسرائيل ) التقاتل بين ابناء فلسطين .. والامركه اليهوديه العربيه ... ثق تماما اخي المسلم انك تقوم بافعال يوميه ولحظيه خاطئه 100% ... افعال زرعها اعداؤنا فينا .. جعلونا كشعوبهم المنحطه .... الانحطاط ليس فقط بالافعال ... ولكن هو ايضا بالاقتتال الداخلي .. ايعقل هذا ؟؟؟؟؟؟؟؟؟؟

نحن نعتبر امه اسلاميه ... هل نقوم بفعل العكس تماما عما امرنا ديننا وربنا ورسولنا ان نقوم به ؟؟؟ اهذه هي الامانه ؟؟؟؟ لا اتوقع يا اخوان

اننا اليوم في ( انحطاط ) شديد ... شديد ... شديد

ما نقوم به الان هو برهان ... ان الاعداء حققوا مبتغاهم ... الا وهو : تخريب وتدمير العالم الاسلامي باكمله ؟؟؟؟؟

انتقل الى اللغه العاميه الان لافجر كل ما بداخلي من غل !!!!!

يالله يا اعضاء ... فهموني شو اللي صايرلنا ؟؟؟ هل احنا ناقصنا عقل؟؟ ..... الصراحه : بالتأكيد

لانو لو احنا عندنا عقل .. كان ما وصلنا لهادي المواصيل .... احنا خلص اتدمرنا واكلناها .... بس لو فكرنا منييييح في حالنا وشفنى طريقه نبدا نصلح ولو لجزء بسيط من الدمار اللي صارلنا ... ممكن نكون شويه راضيين عن نفسنا

هلا خليني بالبدايه اجاول على السؤال الاول .. فلسطين ... الى اين ؟؟؟

الجواب واضح جدا اذا ما جد جديد وصحينا فجأه هيك ... وقلنا يالله انصلح شوي من الدمار.. احنا ناقصنا شويه عقل نصحى فيه .. فلسطين هلا خلص رايحه عالهاويه .. ما رح يصير في فلسطين .. ليش انكذب على بعض وانقول احنا راجعين ؟؟؟ يا اما نرجع مره وحده يا اما خلص ننسى انو في فلسطين .... هذا هوه مستقبل فلسطين ... لا تقلي خارطه طريق ، احنا لو بدنا نوضع حد لهل الموضوع .. كان حطينا من زمان ... بس خلص راحت علينا ... وللاسف ما ضل في طريقه نرجع ... احنا كشعب فلسطيني جاهزين ومستعدين انرجع ارضنا ... يعني لو كل رجال طلع ايحارب ويرمي حجر عالدبابات ... كان بنحرر ارضنى .... بس المصيبه الكبار وبالذات رئيس السلطه ( ما بحبه ) هذا رايي مع الاحترام الشديد الو ولجماعتو ... بس حاسس انو ما رح يوصلنا لبر ... كل يوم والتاني انلاقيه في مؤتمر .. ومعه الاسرائيليه .. وبسلم عليهم كانهم اخوانه ... ما في شي عادي .. ولا كانو في فلسطين اصلا .. CARELESS ... يعني خلص لزقنا مع هالحاكم ... المهم هلا ما بديش افوت كتير في السياسه .. خايف اخبص ...

احنا كشعب بامكانا انو انحرر فلسطين ... بس حال فتح وحماس ما هوه بحال... يعني قوتين ينضمو مع بعض وخلص ويبدؤو مشروع التحرير ..


الجواب الثاني للسؤال الثاني وهو : الى متى ؟؟؟؟

الجواب : الى ما لا نهايه .. ما دام احنا هيك .. خلص خلينا هيك .. وزي ما قلت احنا ما بننعدل الا بالوحده والعقل ... وطبعا هذا غير وارد هلا ..

الجواب الثالث للسؤال الثلث الا وهو : ما هو الحل ؟؟؟

يا اما نرجع على اللي كنا عليه ( وما زلنا في اعتقادي ) بس مش بالاقتتال بس فتح وحماس .... يا اما نشكل وحده عربيه بين الشعب بس من غير الحكومات .... وانا متأكد انو اكثر من 75% من الشعب العربي رح يرضى ايحارب معانا ....

المهم كثر الف خير الاعضاء اللي بالمجالس اللي بثيروا موضوع تحرير فلسطين ..... باعتباري هدول همه الرؤساء والحكام الصحيحين للاوطان العربيه .......

انا خبصت كثير بالموضوع هذا .. بعرف ... بس طلعت حرتي على الاقل ومهما كانت النتائج

هلا اللي بطلبوا من كل شخص فينا انو ينشد وينحمق على فلسطين .... فلسطين غاليه يا اخوان ... انتو بتعرفوا قديش غلاوتها عندنا ... وانا مش رايح اكتب الكم التاريخ الفلسطيني ... لانو اعضاء غيري كتبوا عنو .... بس اللي طالبو هو الوحده بيناتنا ... طلب ما اتوقع انو صعب ... على الرغم انو بنطبقوا بعض الاحيان ... ولكن قليل جدا ...

انا والله اكثر توقيع عجبني عن فلسطين من بين كل الاعضاء هو توقيع PALASTINE LOVER ... وهو : الحججاج الفلسطينين .. حج مبرور ... وسعي مشكور ... وذنب مغفور .. وممنوع المرور .. مع تحيات الامه العربيه والاسلاميه ... ( ويستمر الانحطاااااااااااااااط )
انا عبارات الانحطاط جبتها من هالتوقيع من كثر ما فكرت فيه

واخيرا انا هدف موضوعي هو الوحده عالاقل بيننا كاعضاء بشان فلسطين

وثاني هدف : بدي اياكم تجاوبوا على اسالتي اللي في العنوان .. فلسطين .. الى اين ؟؟ الى متى...؟؟؟ وما هو الحل ؟؟؟؟؟؟

بدي اراءكم ومقترحاتكم وبالاخص في الحلول ...

لكم مني اجمل تحيه .... واقول نعم يستمر الانحطاط

اعجبني الموضوع كثيرا فنقلته لكم ....